鰻魚飯第二擊！かぶと (うなぎ)

上次介紹完築地鰻魚飯店，今次會介紹位於池袋嘅鰻魚飯店かぶと (うなぎ)

かぶと嘅店外放左一個古時用黎捉鰻魚嘅籠，好易認

而店內環境比較狹窄，傳統日本居酒屋咁，一張長bar枱加兩張和式枱～

全店大約坐到15-20人，所以大家記得記得預約！（有同坐嘅日本人告知，佢地5月打黎約11月嘅枱！可見幾咁出名！）

重點都是鰻魚吧！

由於店家都是即叫即殺鰻魚，所以等候時間都會耐....去片！

活活的像蛇的鰻魚！店家說是用日本本土鰻魚～

首先上的是鰻魚頭串燒，有得多很多骨！好似小女子咁怕魚骨嘅人要小心食唷！

然後是鰻魚尾巴，來一個比拼！ 尾巴的骨相對不多，但肉感就較薄身

再來是鰻魚腸（腸嘅日文係kimo）

日本人不喜歡浪費，唔食內臟嘅我都迫住要食😖 

感覺爽爽的，但由於仍然覺得有陣內臟味...心裏不好受😂

鰻魚身體啦終於！不用多說，肉身肥厚！

還有活生生的鰻魚心臟，店家說這個非常有益，指名一定要食

但小女子處於一個非常驚恐嘅狀態，所以淨係記得拍片😂

所以片就係facebook睇吧

這一片片的是鰻魚肝...店家說一條鰻魚只有一片...這兒應該至少有10片啊！天啊一天要食多少條鰻......

之後就係鰻魚飯啊！鰻魚飯上面鋪左2大塊鰻魚

但係我已經太肚餓啦，所以完全唔記得影相

去到食到一半先至記得，大家原諒我啦～

哩一個鰻魚飯嘅肉質比較彈牙，同之前食過一間完全唔同

鍾意有咬口嘅朋友可以嘗試呢間鰻魚飯唷！

かぶと*

地址：

東京都豊島区池袋2-53-2

（即池袋駅西口一出，往劇場通りを方面行，經過郵局。簡單講就係櫻花酒店對面）

電話：(03)3983-8608

營業時間：17:00-22:00

定休日：星期日、四

鰻魚飯第一擊～宮川本㕓（つきじ宮川）

話說小女子太掛住日本，襯有兩日時間都飛左去日本搵下冬天同最愛嘅鰻魚🌬🇯🇵

今次去左食兩間專食鰻魚嘅店鋪（點解香港冇哩類型嘅鋪😫）都係由日本朋友介紹嘅👍🏻

介紹第一間先！

つきじ宮川本店

哩間位於築地嘅つきじ宮川，都近地鐵站

由於我係夜晚去，所以出面都幾黑，大家要留神啲先搵到佢啊

鋪頭都好大間，係有幾層嘅！而且分開坐凳或者「他他咪」

由於店家都唔想影到內部，所以只有鰻魚嘅相🙏🏻

Meun👇🏻

小女子叫左一個飯：口（¥3,456）、加一個湯：kimo soup（即係魚腸湯，¥324）

店員會再次提醒，個飯係新鮮整出黎，所以要等40分鐘！

等等等...終於出場！

聽講曾被日本美食雜誌《大人的周末》選為第一位嘅鰻魚飯，鰻魚入口即溶，飯粒每粒都有醬汁😋

而鰻魚腸湯，小女子利申唔食內臟🙋🏻但啲人講到一定要食，咁就試啦！（最後冇飲到粒腸）

湯好清甜，一啲内臟嘅味都冇😱

係令人愛上哩個湯👏🏻

份量黎講，我一個女仔食完哩到就覺得啱啱好

大家下次去築地可以有魚生以外嘅考慮啦✌🏽

地址：

東京都中央区築地1-4-6

http://www.unagi-miyagawanorenkai.jp/tsukiji/index.html